“Qaradağ Lökbatan”a texniki məğlubiyyət verildi
08.04.2025 , 13:00
AFFA İntizam Komitəsi 1-ci liqada mübarizə aparan “Qaradağ Lökbatan” klubuna texniki məğlubiyyət verib.
Korner.az xəbər verir ki, qurumun bugünkü iclasında belə qərar qəbul edilib.
1-ci liqanın 20-ci turunda “Cəbrayıl”la matçda “Qaradağ Lökbatan”ın heyətində adları matçın protokolunda olmayan futbolçular oyuna daxil olub.
Buna görə də “Qaradağ Lökbatan”a 0:3 hesablı texniki məğlubiyyət verilib. Həmçinin klub 400 manat cərimələnib.
Qeyd edək ki, sözügedən görüş 0:0 hesabı ilə yekunlaşmışdı.
