“Qarabağ” yaxşı heyətdən ibarət komandadır. Onlar son iki mövsümdür ölkə çempionu olub. Rəqibin baş məşqçisi bir neçə ildir ki, “Qarabağ”ı çalışdırır və onun yaxşı komandası var”.
Korner.az-ın məlumatına görə, bu sözləri “Seltik”in baş məşqçisi Ronni Deyl Çempionlar Liqasının üçüncü təsnifat mərhələsində “Qarabağ”la ilk oyun öncəsi deyib.
O, rəqibə hörmət etmələrinin vacib olduğunu diqqətə çatdırıb:
“İstədiyimizə nail olmaq üçün əlimizdən gələni etməliyik. Düzdür, bizim üçün çətin olacaq, ancaq bu matça tam hazırıq. “Qarabağ”ı məğlub etmək üçün yetərli gücə sahibik”.
O, qarşılaşmanın maraqlı keçəcəyini deyib: “Seltik Park”da oynayacağıq. Bu, bizim üçün böyük imtahandır. Buna görə də həyəcanlıyam. Ötən mövsüm Avroliqada əla nəticələr qazanmış, yaxşı komanda ilə oynayacağıq. Biz də ötən mövsüm Avroliqada çıxış edirdik. Bu dəfə isə Çempionlar Liqasında iştirak etmək istəyən iki komanda qarşılaşacaq”.
