Çempionlar Liqasının qrup mərhələsində sabah “Qarabağ”ın qonağı olacaq “Atletiko”nun futbolçusu Saul Niqes oyunöncəsi mətbuat konfransında iştirak edib.
Saul Niqes jurnalistlərin suallarını cavablandırıb:
– Bur neçə dəfə final, yarımfinal oyunları görmüsünüz. Bu oyun da final kimidir. Məğlubiyyət komandanı qrup mərhələsində saxlaya bilər. Buna görə oyuna necə motivasiya olmusunuz?
– Mənim üçün “Atletiko” forması geyinmək özü böyük motivasiyadır. Həlledici qarşılaşma olacaq.
– “Barselona” ilə oyunda qol vurdun. Azarkeşlər də sənə böyük ümid bəsləyir…
– Hər oyunda komandaya xeyirli olmağa çalışıram. Birinci komandanı düşünürəm, sonra da azarkeşləri.
– “Qarabağ”la oyun haqda və Azərbaycan haqda nə düşünürsüz?
– Şəhəri gəzməyə vaxt olmayıb. Bir neçə il əvvəl burada oluşam. Bura gözəl şəhərdi. Oyuna gəlincə, bu matç bizim üçün ölüm-dirim xarakterlidi.
– Bu cür komandalar sizə baş ağrısı ola bilib. Məsələn “Astana”. Bu amil komandaya necə təsir edəcək?
– Bu cür təcrübə bizdə var. Çalışacağıq istifadə edək. Onlar evdə oynayırlar, azarkeş dəstəyi olacaq. Onlar da sərfəli nəticə üçün çalışacaq.
– İlk iki oyun sizin üçün uğurlu olmadı. Bu sizin üzərində təzyiq yaradırmı və bu təzyiq oyuna necə təsir edəcək?
– Biz özümüz bu çətinliyə düşmüşük. Təzyiqi də özümü atlatmalıyıq. İlk dəqiqələrdən qol vurmağa çalışacağıq
