Ukrayna yığması və Kiyevin “Dinamo” klubunun sabiq yarımmüdafiəçisi Aleksandr Əliyev sərxoş halda həyat yoldaşı Tatyana Əliyevanı döydüyünə görə polis tərəfindən saxlanılıb.
Korner.az-ın Ukrayna mətbuatına istinadən məlumatına görə, Tatyana Əliyeva hazırda Lvov vilayətinin Vinniki şəhərini təmsil edən “Rux” həvəskar futbol klubunun formasını geyinən Aleksandrın onu mütəmadi olaraq döydüyünü və övladlarının bu hadisələrin şahidi olduqlarını deyib.
Aleksandr ilə Tatyana 2007-ci ildə evlənib. Onların bir oğlu və bir qızı var. Bundan başqa, Tatyananın futbolçu Roman Maksimyukla ilk evliliyindən bir oğlu var.
Qeyd edək ki, babası Azərbaycan əsilli olan Aleksandrın iki ay öncə “Qarabağ”la müqavilə bağlayacağına dair xəbərlər yayılmışdı.
