Qış fasiləsinə turnir cədvəinin ilk pilləsində yollanan “Qarabağ” Antalyada təşkil olunacaq təlim-məşq toplanışında 6 yoxlama oyunu keçirəcək.
Korner.az-ın məlumatına görə, artıq rəqiblərdən üçü bəllidir.
Ağdam təçsilçisi yanvarın 17-də Xorvatiyanın “Split” klubu ilə qarşılaşacaq. Sön ölkə çempionu yanvarın 21-də İsveçrənin “Sürix” klubu ilə qüvvəsini sınayacaq. Yanvarın 29-da isə “Qarabağ” “Qəbələ”nin sabiq baş məşqçisi Yuri Syominin çalışdırdığı Rusiyanın “Mordoviya” klubu ilə üz-üzə gələcək.
Xəbəri klubun mətbuat xidmətinin rəhbəri Nurlan İbrahimov təsdiqləyib.
“Qarabağ”ın digər üç rəqibinin adına yaxın günlərdə aydınlıq gələcək.
