Bu gün UEFA Çempionlar Liqasının qrup mərhələsinin son turunda “Çelsi” ilə qarşılaşacaq “Atletiko”nun braziliyalı müdafiəçisi Felipe Luis qarşıdakı matçdan danışıb.
“Sambaçı” şanslarının “Roma” – “Qarabağ” matçından asılı olduğunu da etiraf edib.
Lakin Felipe öz oyunlarına köklənəcəklərini, bu qarşılaşma haqqında düşünməyəcəklərini deyib: “Matçı qazanmağa köklənib gözləyəcəyik. Çünki hər şey əlimizdə deyil. “Qarabağ”ın “Roma”dan xal almasına ümid etməliyik. Hazırki vəziyyətdə isə yalnız öz oyunumuzu düşünəcəyik”.
