“Qarabağ”ın rəqibindən ilk məğlubiyyət
25.09.2018 , 12:26
Portuqaliya Premyer Liqasında 5-ci turun oyunları keçirilib
Avropa Liqasının qrup mərhələsində “Qarabağ”ın rəqiblərindən olan “Sportinq” səfərdə “Braqa” ilə qarşılaşıb və 0:1 hesabı ilə uduzub. Bu, “Sportinq”in yeni mövsümdə ilk məğlubiyyətidir.
Hazırda 10 xalla 5-ci pillədə qərarlaşan Lissabon təmsilçisi lider “Benfika”dan 3 xal geri qalır.
Qeyd edək ki, Avropa Liqasında “Sportinq”ə ilk oyunda 0:2 hesabı ilə uduzan “Qarabağ” rəqibini noyabrın 29-da Bakıda qəbul edəcək.