“Qarabağ”ın rəqibi Avroliqaya ciddi yanaşır

“Topçular”ın baş məşqçisi Unay Emeri bu mövsüm qarşıya qoyduqları əsas hədəflərdən birinin məhz qitənin ikinci dərəcəli klub turnirində uğur qazanmaq olduğunu bildirib. İspan mütəxəssis Avroliqanı qazanmaqla növbəti mövsümdə birbaşa Çempionlar Liqasının qrup mərhələsində mübarizə aparmaq istədiklərini söyləyib:

“Avropa Liqası Çempionlar Liqasından sonra Avropanın ən vacib ikinci turniridir. Komandanın ÇL-da oynaması vacib məqamlardan biridir. Ancaq Avroliqanın qalibinin Çempionlar Liqasına birbaşa vəsiqə qazanması bu turnirə olan marağı daha da artırıb”.

Qeyd edək ki, “Qarabağ” Avroliqanın E qrupunda “Arsenal”la yanaşı, “Sportinq” və “Vorskla” ilə də mübarizə aparacaq.