Avropa Liqasının 1/8 final mərhələsinin oyunlarından birinin yeri dəyişdirilə bilər.
Korner.az-ın məlumatına görə, belə ehtimalın yaranmasına Ukraynanın “Dnepr” klubunun UEFA-ya müraciəti səbəb olub.
Belə ki, qrup mərhələsində Azərbaycan çempionu “Qarabağ”ın rəqibi olan Miron Markeviçin komandası ev oyununu Kiyevdəki Olimpiya stadionunda keçirmək istəmir. Dnepropetrovsk təmsilçisi ağdamlılara 0:1 hesabı ilə uduzduğu məkandansa, Lvova üstünlük verir.
Ukraynadakı vəziyyət üzündən rəqiblərini doğma məkanda qəbul edə bilməyən “Dnepr” UEFA-ya müraciətində Kiyevdə deyil, Lvovda oynamaq istədiyini bəyan edib. Lakin bu stadionda “Şaxtyor” Çempionlar Liqasının ev oyunlarını keçirir. Bu üzdən “Dnepr” Donetsk təmsilçisinin büdrəməsini gözləməlidi. “Şaxtyor” 1/8 finalda mübarizəni dayandırdıqdan sonra isə onlar Avropa Liqası oyunlarını Lvovda keçirəcək.
