“Fiorentina”nın futbolçusu Nikola Kaliniç də karyerasını Çində davam etdirə bilər.
Korner.az-ın məlumatına görə, 29 yaşlı xorvat hücumçunun “Tyanzin Syuanzyan” klubuna keçmək ehtimalı var.
İddialara görə, italyanlar transfer mədləğinin 50 milyon avro olmasına baxmayaraq, keçidin 45 milyon avro müqabilində baş tutmasına etiraz etməyiblər. Çinlilər futbolçuya illik 12 milyon avro vəd ediblər. Bu isə onun “Fiorentina”da qazandığından (1.2 milyon avro) 10 dəfə çoxdur.
Qeyd edək ki, Kaliniç həm əvvəllər çıxış etdiyi “Dnepr”in, həm də “Fiorentina”nın forması ilə Avropa Liqasının qrup mərhələsi çərçivəsində “Qarabağ”a qarşı forma geyinmiş, Azərbaycanda və İtaliyada vurduğu qolları ilə azərbaycanlı azarkeşləri məyus etmişdi.
