Bu gün “Qarabağ”ın axşam məşqində sürpriz qonaq iştirak edib. Belə ki, “F1 Bakı Qran Pri”sinin sonuncu qalibi, “Red bull”un pilotu olan Daniel Rikkiardo komandanın qonağı olub.
Komandayla kiçik tanışlıqdan sonra avstraliyalı pilota baş məşqçi Qurban Qurbanov tərəfindən adıyazılan forma hədiyyə olunub. Rikkiardo isə daha sonra özünəməxsus ayaqqabıları imzalayaraq baş məşqçiyə təqdim edib. Daha sonra futbolçularla söhbət edən Rikkiardo bir neçə dəqiqə komandayla birlikdə məşqdə də iştirak edib.