“Neftçi” 3 ildir Azərbaycan çempionu adını qazanır. Həqiqətən də güclü komandadır və Çempionlar Liqasına vəsiqə qazanmaqla bunu sübut etdilər. Həmçinin ötən mövsüm Avropa Liqasının qrupunda oynayıblar. Məncə, “Skenderbeq” Bakıdan yaxşı nəticə ilə dönsə, evdə uğur qazana bilər”.
Korner.az-ın məlumatına görə, bu sözləri “Qarabağ”ın və Albaniya millisinin üzvü Ansi Aqolli deyib.
“Skenderbeu” – “Neftçi” matçı haqqında fikirlərini bölüşən Aqolli daha sonra sözlərinə belə davam edib:
“Yarımmüdafiə və hücum xətti çox güclüdür. Az öncə qeyd etdiyim kimi, hücumçuları Kanales 26 qolla son mövsümün bombardiri oldu. Amma yenə də braziliyalı hücumçu alırlar. Bir sözlə, hücumda çox təhlükəli komandadır. Müdafiə xəttində problemləri var. Son mövsümün bir sıra oyunlarında bunun şahidi olmaq olardı”.
