“Qarabağ” Avstriyada təlim-məşq toplanışını davam etdirir.
Korner.az-ın klubun saytına istinadən yaydığı xəbərə görə, komanda toplanışın ikinci gününü tək məşqlə tamamlayıb.
Yerli vaxtla saat 19:00-da (Bakı vaxtıyla 21:00) start götürən hazırlıq meydançada keçirilib və təxminən 90 dəqiqə davam edib.
Toplu və fiziki çalışmalarla məşqə yekun vurulub.
Qeyd edək ki, Ağdam klubu toplanış çərçivəsində ilk yoxlama oyununu iyunun 20-də Rusiya Premyer Liqa təmsilçisi “Axmat”a qarşı keçirəcək.