“Qarabağ”ın 4 legioneri milliyə çağırıldı
14.03.2025 , 13:30
“Qarabağ”ın dörd əcnəbi futbolçusu milli komandasından dəvət alıb.
Korner.az xəbər verir ki, Marko Yankoviç və Marko Veşoviç Monteneqro, Yassin Benzia Əlcəzair, Patrik Andrade isə Kabo Verde millisinə çağırılıb.
Bununla da, Ağdam klubunun milli komandalara çağırılan futbolçularının sayı 12-ə çatıb. Bundan əvvəl “Qarabağ”ın səkkiz futbolçusu – Şahrudin Məhəmmədəliyev, Bəhlul Mustafazadə, Bədavi Hüseynov, Elvin Cəfərquliyev, Aleksey İsayev, Toral Bayramov, Nəriman Axundzadə və Musa Qurbanlı Azərbaycan millisinin martda keçiriləcək yoldaşlıq oyunları üçün milliyə dəvət edilmişdi.
