İsveçin "Gefle" klubunun futbolçusu Olof Mard Avropa Liqasının III təsnifat mərhələsindəki rəqibləri olan "Qarabağ"ı keçəcəklərinə inandığını bildirib.
Korner.az-ın məlumatına görə, futbolçu qarşıdakı oyunlarlıa bağlı bunu deyib:
"Azərbaycana səfərimiz çətin keçəcək. Əgər "Qarabağ" bu mərhələyə qədər gəlib çıxıbsa, deməli güclü rəqibdir. Onların 4 il öncə "Rusenburq"u məğlub etdiyini bilirik. Ancaq biz "Anortosis"i məğlub etmişiksə, "Qarabağ"la da bacararıq".
Qeyd edək ki, Tofiq Bəhramov adına respublika stadionunda keçiriləcək "Qarabağ" – "Gefle" oyunu avqustun 1-də, saat 21:00-da başlayacaq.