“Qarabağ” klubu sentyabrın 18-də Avro Liqanın qrup matçı çərçivəsində “Sent Etyen”lə keçiriləcək oyun qabağı maraqlı qərar qəbul edib.
Korner.az-ın məlumatına görə, klubun mətbuat xidməti rəhbəri Nulan İbrahimov xanım jurnalistlərin bu matça böyük marağını nəzərə alaraq stadionun bir sektorunu tamamilə onlara ayrılacağını bildirib.
Klub rəsmisi bu barədə öz facebook səhifəsində məlumat paylaşıb. Məlumatda bunlar qeyd edilib:
“Əziz dostlar, “Qarabağ” – “Sent Etyen” oyununa mətbuatın xanım azarkeşlərinin marağını nəzərə alaraq yenilik etmək qərarına gəldik.
Belə ki, 34-cü sektor (media sektorunun altı) sırf zərif cinsin nümayəndələri üçün ayrılmışdır. Xanım media mənsubları 34-cü sektora dəvətnamə əldə etmək üçün tərəfimizə müraciət etməsi xahiş olunur”
