“Qarabağ” Futbol Klubu Avropa Liqasının qrup mərhələsi çərçivəsində keçirəcəyi son oyun öncəsi ölkə mətbuatına bəyanatla çıxış edib.
Korner.az-ın məlumatına görə klubun rəsmi saytında yayımlanan bəyanatda deyilir:
Dəyərli, media mənsubları.
Dekabrın 11-də Avropa Liqasının VI turunda “Qarabağ” İtaliya “İnter”ini qəbul edəcək. Ölkə futbol tarixinin bəllkə də ən vacib qarşılaşmasına böyük marağın olması anlaşılandır. Ötən oyunlarda media sektorundakı bəzi xoşagəlməz hallar UEFA-nın oyuna təhkim olunmuş qrupun məruzəsində qeyd olunmuşdur.
Media sektorunda iş səmərəliliyinin təmin olunması üçün UEFA-nın müvafiq qurumunun təlimatlarına əsasən aşağıdakı şərtlərlə akkreditə vərəqəsini əldə etmək şansı mümkündür:
Oyuna akkreditasiyanı sadəcə PFL-də (Peşəkar Futbol Liqası) qeydiyyatdan keçmiş media qurumları ala bilərlər.
PFL-dən 96 mətbu orqan qeydiyyatdan keçdiyinə görə 96 akkreditə veriləcəkdir (qeydiyyatdan keçənlərdən hansısa olmadığı halda, müraciət edən orqanın aktivliyinə görə əlavə akkreditə əldə edə bilər)
PFL-də qeydiyyatdan keçməyən mətbu orqanlar qonaq sektoruna bilet əldə edə bilərlər (maksimum 2 ədəd)
Qeydiyyatdan keçmiş mətbu orqanlar əlavə əməkdaşlarına da maksimum 2 ədəd bilet əldə edə bilərlər.
Qeydiyyatdan keçmək üçün 5 dekabr saat 12:00-a qədər PFL-dəki qeydiyyat vəsiqəsinin surətini və fotosunu (həcmi 0.5 MB az olmayan) garabagh.fc@gmail.com ünvanına göndərməsi xahiş olunur.
Foto akkreditasiyası eyni sistemlə həyata keçiriləcəkdir. PFL- qeydiyyatl olanlar “PRESS” qeydiyyatı ilə yanaşı, “FOTO” akkreditəsi də əldə edə bilərlər. (Eyni proses həyata keçirilməlidir: iş vəsiqəsi və foto göndərmək lazımdır. Müstəqil fotoqraflara da şamil olunur)
Belədə “Qarabağ” – “İnter” oyununda sadəcə, fərdi olan, fotolu akkreditasiya vəsiqəsi ilə iştirak mümkün olacaq. Akkreditasiyaları 8-9 dekabr tarixlərində 9:00-dan 18:00-a qədər Suraxanıda yerləşən `Qarabağ` Futbol Klubunun bazasından əldə edə bilərsiz.
Əlaqə telefonları:
077 219-39-19
055-272-79-99
