Növbəti mövsüm transfer çalışmalarını davam etdirən “Qarabağ” bir futbolçuyla müqavilə yeniləyib.
Korner.az-ın məlumatına görə, komandanın yetirməsi və millimizin üzvü Qara Qarayevlə yeni müqavilə imzalanıb.
Razılaşmaya əsasən yarımmüdafiəçi daha iki il komandamızın formasını geyinəcək.
Qara Qarayev: “Daha iki il “Qarabağ”ın bir parçası olmaq mənim üçün qürurvericidir. Nə qədər gücüm var, bu komandanın, bu camiənin xidmətində olmağa çalışacam. Klub rəhbərliyi və məşqçilər heyətinə də təşəkkürümü bildirirəm ki, məni yenidən komandada görmək istəyirlər. Bu da məni çox sevindirir. Növbəti illərdə də “Qarabağ”ın uğurları üçün əlimdən gələni edəcəm”.
