Qızılcahamamda Avroliqa hazırlıqlarını davam etdirən “Qarabağ” transfer fəaliyyətinə də başlayıb.
Korner.az-ın klubun rəsmi saytına isitinadən yaydığı xəbərə görə, Murad Səttarlını icarədən geri qaytaran Ağdam təmsilçisi Nikolas Gelaşvilinin transferini rəsmiləşdirib. Gürcüstan millisinin forvardı “Bohum”dan alınıb. 28 yaşlı forvardla 2 illik müqavilə bağlanıb. Karyerasının ən yaxşı illərini “Zestafoni”də keçirən Gelaşvili artıq “Qarabağ”ın uğurları üçün tər tökəcək.
Gürcüstan millisinin üzvü müqavilə bağladıqdan sonra klubun saytına ilkin təəssüratlarını bölüşüb:”Qarabağ”a gəldiyim üçün çox məmnunam. Bilirəm ki, yeni komandam yüksək hədəflər üçün mübarizə aparır. Bizi çətin mübarizə gözləyir: həm Avroliqada, həm də çempionatda. Komandada hər kəs məni mehriban qarşıladı. Bura uğur qazanmaq üçün gəlmişəm. “Qarabağ”ın yaxşı nəticə qazanması üçün əlimdən gələni edəcəm. Buna əmin ola bilərsiz. Yeni komanddamda meydana çıxacağım günü səbirsizliklə gözləyirəm.
