“Qarabağ”da ciddi itki – Halldorsson ilk oyunu buraxacaq
04.07.2018 , 18:47
“Qarabağ”ın yeni transferi Hannes Halldorsson Çempionlar Liqasının 1-ci təsnifat mərhələsində “Olimpiya” ilə ilk oyunu buraxacaq.
Bu barədə islandiyalı qapıçı ölkəsinin mətbuatına açıqlamasında məlumat verib. O bildirib ki, DÇ-2018-in qrup mərhələsində Xorvatiya ilə oyuna 2 gün qalmış məşqdə zədələnib:
“Xorvatiya ilə matçdan əvvəl qasığımdan zədə aldım. Oyun vaxtı isə ağrılarım lap artdı. “Olimpiya” ilə Sloveniyadakı matçı buraxacam. Ancaq cavab görüşündə oynayacağıma inanıram”.
Qeyd edək ki, “Qarabağ”la “Olimpiya” arasındakı ilk oyun iyulun 11-də Lyüblyanada keçiriləcək. Cavab qarşılaşması isə iyulun 18-də Bakıda olacaq.
