“Qarabağ”a qol vurmaqla uşaqlıq arzumu gerçəkləşdirdim”
01.11.2018 , 15:45
“Arsenal”ın futbolçusu Emil Smit-Rou açıqlama verib.
18 yaşlı vinqer Avropa Liqasının qrup mərhələsinin 3-cü turunda “Qarabağ”la səfər matçında vurduğu qol barədə danışıb:
“Həmin vaxt çox xoşbəxt olmuşdum. Həyatımın ən vacib günlərindən birini yaşadım. Əsas komandada qol vurmaq mənim arzum idi. Bu, mənim uşaqlıqdan xəyalım idi. Qol vurmağım mən və ailəm üçün qürurverici an idi. Bakıda arzumu reallaşdırdım”.
Qeyd edək ki, Smit-Rou “Arsenal”ın səfərdə “Qarabağ”a 3:0 hesabı ilə qalib gıldiyi oyunda 2-ci qolun müəllifi olub.
