“Xəzər Lənkəran”ın gənc futbolçusu Zaman Mirzəyevin korner.az saytına müsahibəsi.
– İlk olaraq “Rəvan”la oyun barədə fikirlərini bildirərdin.
Hər oyun olduğu kimi, bu matç da çətin keçdi. Təəssüflər olsun ki, doğma meydanımızda qələbə qazana bilmədik. Əslində heç-heçəni pis nəticə saymaq olmaz. Hər halda ikinci dövrənin ilk oyunu idi. İlk oyunlar da həmişə çətin olur. Bu baxımdan normal nəticə saymaq olar.
– Epizodların birində fərqlənməyə yaxın oldun. Əgər həmin epizodda fərqlənə bilsəydin XL-in əsas heyətində qol hesbaını açmış olacaqdın. Həmin anı necə xatırlayırsan?
Həmin an hələ də gözümün qarşısındadı. İnana bilmədim ki, qapıçı o topu necə çıxartdı. Bu da mənim şanssızlığım idi. İnşAllah gələn oyunların birində qol vurub komandama qələbə qazandıra biləcəm.
– “Rəvan”ın qol imkanları daha çox oldu. Necə düşünürsən, XL 1 xal qazandı, yoxsa 2 xal itirdi?
Əslində bərabər səviyyəli oyun getdi. Nəticəni ədalətli saymaq olar.
– Oyundan sonra rəhbərlikmdən sizinlə əlaqə quran oldumu?
Komanda yeni yığılıb. Oyun çatışmamazlığı, fiziki hazırlıq və digər şeyləri nəzərə alanda tam hazır deyildik. Rəhbərlik və məşqçi heyəti bizə matçdan sonra təşəkkürünü bildirdilər.
– 20-ci turda səfərdə “Qarabağ”la qarşılaşacaqsınız. Çətin səfər olacaq…
Bəli, ağır səfər olacaq. Ancaq biz heç bir rəqibdən çəkinmirik. Bu heyətlə biz çox komandaya başağrısı olacağıq. “Qarabağ”la səfərdə də xal və ya xallar qazanmaq istəyirik.
