“Qarabağ”a gəlməyən futbolçu Stiven Cerrardla işləyəcək
22.08.2018 , 14:51
Yay transfer dönəmində adı “Qarabağ”la hallanan Şotlandiyanın “Harts” klubunun və Şimali İrlandiya millisinin futbolçusu Kayl Laffertinin yeni komandası məlum olub.
30 yaşlı forvard karyerasını Şotlandiya nəhəngi “Reyncers”də davam etdirəcək. Stiven Cerrardın baş məşqçisi olduğu Qlazqo təmsilçisi forvardı 750 min avro qarşılığında rənglərinə bağlayıb.
Qeyd edək ki, Lafferti xanımı hamilə olduğu üçün “Qarabağ” və Cənubi Koreyanın “Seul” klublarının təklifindən imtina etmişdi. O, övladının Şotlandiyada dünyaya göz açmasını istədiyi üçün bu addımı atmışdı.
Qeyd edək ki, Lafferti ötən mövsüm “Harts”ın heyətində 35 oyuna 12 qol vurub. Tərcrübəli forvard 2008-2012-ci illərdə də “Reyncers”də çıxış edib.
