“Qarabağ” – “Zirə” oyunu 5 manata
19.04.2023 , 18:19
Azərbaycan Premyer Liqasının 31-ci turunda keçiriləcək “Qarabağ” – “Zirə” qarşılaşmasının biletləri sabah 11:00-dan etibarən onlayn şəkildə satışa çıxarılacaq.
Korner.az xəbər verir ki, biletlərin qiyməti sektorlara uyğun olaraq dəyişir.
Qapıarxası və künclərdə yerləşən sektorlar 5 manat, mərkəzi sektorlar 10 manat, VIP biletlər isə 20 manat təşkil edir.
Biletləri sabah yalnız iticket.az-dan onlayn ala bilərsiniz. Oyun günü isə biletlər @iticket.az və “Azersun Arena”nın kassasında satışda olacaq.
Qapılar azarkeşlər üçün matçın start fitindən 90 dəqiqə əvvəl açılacaq.
