“Qarabağ” yeni transferini rəsmən açıqladı
04.07.2019 , 10:48
“Qarabağ” Almaniya “Ştutqart”ının futbolçusu Ailton Silvanın transferini rəsmən açıqlayıb.
Korner.az-ın klubun saytına istinadən yaydığı xəbərə görə, 24 yaşlı sol cinah müdafiəçisinin 2019-2020 mövsümünü icarə əsasında Ağdam təmsilçisində keçirəcəyi bildirilib.
Qeyd edək ki, “Fluminense”nin yetirməsi olan Ailton daha əvvəl – 2015-2016 mövsümündə Azərbaycanda “Neftçi”nin (32 oyun, 3 qol) formasını geyinib. “Ağ-qaralar”dan ayrıldıqdan sonra Portuqaliyanın “Eştoril” (18 oyun) klubuna keçən müdafiəçi daha sonra Almaniya “Ştutqart”ına (5 oyun) transfer olunub. 2018-ci ilin yayında yenidən “Eştoril”ə icarəyə verilən futbolçu mövsümün ikinci yarısını isə Portuqaliya “Braqa”sında keçirib.
Xatırladaq ki, “Qarabağ” mövsümlərarası fasilədə ispaniyalı yarımmüdafiəçi Xayme Romeronu da heyətinə cəlb edib.
