“Qarabağ” yeni transferini açıqladı
10.07.2020 , 17:41
“Qarabağ” Azərbaycan millisinin qapıçısı Emil Balayevin transferini açıqlayıb.
Korner.az xəbər verir ki, Ağdam klubu “Zirə”dən ayrılan 26 yaşlı əlcək sahibi ilə müqavilə imzaladığını bəyan edib.
Müqavilənin müddəti açıqlanmayıb. Balayev 2016/17 mövsümündə də “Qarabağ”ın üzvü olub. Lakin həmin dövrdə ehtiyat qapıçı olan gənc Balayev rəsmi oyuna çıxmayıb.
Xatırladaq ki, “Qarabağ” Emildən əvvəl sabiq müdafiəçisi olmuş Donald Geryeni də transfer edib.