Avropa Liqasının “pley-off” mərhələsi çərçivəsində keçiriləcək “Qarabağ” (Azərbaycan) – “Yanq Boyz” (İsveçrə) qarşılaşmasının biletləri bu gün satışa çıxarılıb.
Korner.az-ın klubun saytına istinadən yaydığı xəbərə görə, avqustun 27-si Tofiq Bəhramov adına Respublika stadionunda saat 21:00-da başlayacaq oyunun biletləri stadionun kassalarında satılır.
Biletlərin qiymətləri nömrəli sektorlarda 1-15 azn arasında dəyişir.
Oyuna olan böyük maraq səbəbindən “işbaz”ların qeyri-leqal fəaliyyətinin qarşısını almaq üçün “Qarabağ” vətəndaşlardan biletləri (holoqramlı) sadəcə yeganə satış məntəqəsindən, Tofiq Bəhramov adına mərkəzi arenanın kassalarından almağı xahiş edib.
