Bu gün Premyer Liqada 31-ci tura start verilib. Korner.az-ın məlumatına görə, ilk oyun günündə 3 matç baş tutub.
İlk "altılıq" oyunlarından ən maraqlısı Ağdamda baş tutub. Avroliqaya vəsiqə qazanmaq üçün "Qarabağ" "İnter"i məğlub etməli idi ki, Ağdam təmsilçisi bu işin öhtəsindən gəlib. Rauf Əliyevin 76-cı dəqiqədə vurduğu qol görüşdə yeganə olub. Bununla da, "Qarabağ" xallarının sayını 53-ə çatdıraraq turnir cədvəlində üçüncü pilləyə yüksəlib.
Günün digər maraqlı matçı Lənkəranda oynanıldı. Burada yerli "Xəzər Lənkəran" "Qəbələ"ni qəbul etdi. "Qarabağ" kimi "Qəbələ"də Avroliqaya vəsiqə qazanmaq üçün rəqibini məğlub etməli idi. Lakin Fatih Kavlakın yetirmələri bunu bacarmayıb. Qəbələnin eyni adlı komandası cənub təmsilçisi ilə heç-heçə oynayıb. Bununla belə "Qəbələ" Avroliqa şanslarını itirib.
Azərbaycan kubokunun final mərhələsində üz-üzə gələcək olan iki komanda "Neftçi" və "Bakı" Premyer Liqanın 31-ci turu çərçivəsində qarşı-qarşıya gəliblər. Bu görüş iki komanda üçün böyük əhəmiyyət daşımayıb. Çünki "ağ-qaralar" çempionluğunu rəsmiləşdirdiyi halda paytaxtın eyni adlı klubu Azərbaycan kubokunun finalına çıxaraq Avroliqaya vəsiqəni təmin edib.
5 may (şənbə)
17:30. “Xəzər Lənkəran” – “Qəbələ” – 1:1
Lənkəran şəhər stadionu
Qırmızı vərəqə: Aleksandr Çertaqanov (30)
Qol: Adrian Pit (59) // Viktor Mendi (87)
17:30. “Qarabağ” – “İnter” – 1:0
Ağdam rayon Quzanlı qəsəbə Olimpiya İdman Kompleksinin stadionu
Qol: Rauf Əliyev (76)
17:30. “Bakı” – “Neftçi” 2:0
“Bakı” FK-nın təlim-məşq bazasının stadionu
Qol: Nurlan Novruzov (44), Sergio Pardo (90)
6 may (bazar)
17:30. “Simurq” – “Rəvan”
Zaqatala şəhər stadionu
17:30. “Kəpəz” – “Turan”
Gəncə şəhər stadionu
17:30. “Sumqayıt” – AZAL
“Dalğa Arena” stadionu
