Təlim-məşq toplanışı üçün yenidən Türkiyəyə yollanan Ağdamın "Qarabağ" klubu artıq Gerededədir.
Korner.az-ın klubun rəsmi saytına istinadən verdiyi məlumata görə, dünən axşam təlim-məşq toplanışının 2-ci mərhələsi üçün Bakı – İstanbul reysiylə Türkiyəyə gedən komanda axşam saatlarında Bolunun Gerede qəsəbəsinə çatıb.
Bu gün səhər isə artıq komanda ilk məşqinə çıxıb. Yerli vaxtla 12:30-da məşqə çıxan komanda 90 dəqiqəlik çalışma yerinə yetirib. Məşqdə bütün futbolçular iştirak edərkən sadəcə yüngül zədəsi olan Hacı Əhmədov fizioterapevt nəzarətində fərdi olaraq çalışıb.
Qeyd edək ki, komanda 13 günlük müddətdə 5 yoxlama oyunu keçirməyi planlaşdırır. Artıq sabah komanda ilk hazırlıq matçına çıxacaq. Sabah yerli vaxtla 18:00-da "Tavşanlı Linyitspor"la qarşılaşacağıq. Oyun Qızılcahamamda baş tutacaq.
