Premyer Liqanın XIV turunda "Turan"ı qəbul edəcək "Qarabağ" bu gün saat 16:00-da sonuncu məşqinə edərək hazırlıqlarını tamamlayacaq.
Korner.az-ın klubun rəsmi saytına istinadən verdiyi məlumata görə, "Qarabağ" əyalət derbisinə tam heyətlə hazırlaşır.
Komandada zədəlilərin olmaması üzləri güldürür. Yalnız cəza səbəbindən Rəşad Sadıqov bu oyunu buraxacaq. "Qarabağ" və Azərbaycan millisinin kapitanı uzun müddətdir zədəli olsa da, artıq sağalıb. Amma 30 yaşlı müdafiəçi ötən oyunda texniki zonada 1 oyunluq cəza aldığına görə "Turan"la oyunda iştirak etməyəcək.
Qeyd edək ki, Tofiq Bəhramov adına respublika stadionunda keçiriləcək "Qarabağ" – "Turan" oyunu şənbə günü, saat 14:00-da başlayacaq.