Noyabrın 26-da Avropa Liqasının qrup mərhələsində "Qarabağ" "Tottenhem"i qəbul edəcək.
Korner.az-ın məlumatına görə, oyunun saat 22:00-da start götürəcəyini nəzərə alsaq, azarkeşlər matçdan sonra problemlə üzləşə bilər.
Bakıda ən çox istifadə edilən ictimai nəqliyyat vasitəsi metro saat 24:00-dək fəaliyyət göstərir. Oyunun keçiriləcəyi stadiona ən yaxın metrostansiyalar "Gənclik" və "Nərimanov"dur ki, bu da ən azı 10-15 dəqiqəlik məsafədə yerləşir. Yəni, azarkeşlərin evinə metro ilə qayıtmaq istəyi alınmayacaq.
Bunu nəzərə alan Bakı Metropoliteni iş qrafikini gecə 01:00-ə qədər artıracaq.
