Topaz Premyer Liqasının 27-ci turunda “Qarabağ” “Sumqayıt”ı qəbul edib.
Korner.az-ın məlumatına görə, ilk hissəsi qolsuz başa çatan qarşılaşmanın taleyini Reynaldo (2) və Riçard Almeydanın ikinci hissədə vurduğu qollar həll etdi – 3:0.
Aqil Məmmədov, “Sumqayıt” klubunun baş məşqçisi: “Maraqlı oyun oldu. “Qarabağ”ı qələbə ilə təbrik edirəm. Layiqli qələbə qazandılar”.
Qurban Qurbanov, “Qarabağ” klubunun baş məşqçisi: “Bizim üçün vacib oyun idi. Ağır qrafiklə oynayırıq. Futbolçularda yorğunluq hiss olunurdu. Oyun intizamımızı sona kimi pozmadıq və qələbə qazandıq. “Sumqayıt”ın öz oyun üslubu var, sürətli əks-hücumlar qururlar, topla yaxşı davranırlar. İlk hissədə bir neçə qol imkanları oldu. Son vaxtlar bütün komandalar üçün təhlükəli rəqibdirlər. Buna baxmayaraq, bu hücumların qarşısını aldıq və ikinci hissənin ortaların rəqib yoruldu. Yaranmış boşluqlardan istifadə etdik və 3 qol vurduq. “Sumqayıt”a qarşıdakı oyunlarda uğurlar arzu edirəm”.
