“Qarabağ” “Atletiko”yla çatçlarda yaxşı oyun göstərdiBunun da nəticəsidir ki, komanda hər iki matçda heç-heçə edərək hesabına ilk xalllarını yazdı. Hesab edirəm ki, “Qarabağ” indi yüksəlişdədi. Psixoloji planda özünü yaxşı hiss edir”
Bu fikirləri Azərbaycanda çıxış etmiş ən yaxşı legionerlərdən olan moldovalı futbolçu Vadim Borets bildirib. Hazırda Bakıda səfərdə olan 41 yaşlı mütəxəssis bir vaxtlar”Neftçi” və “Bakı”nın heyətində çıxış edib. Borets yaxşı tanıdığı Qurban Qurbanovun yaratdığı güclü “Qarabağ”a bu axşam “Çelsi”ylə Bakı Olimpiya Stadionunda keçiriləcək çətin sınaqda güvənir: “Qarabağ”ın çempionatda işləri yaxşı gedir, aşkar liderdi. Çempionlar Liqasında da azarkeşlərini sevinridir. Fikrimcə, evdə “Çelsi”ylə də yaxşı oynayacaq. Ona proqnoz verirəm ki, heç-heçə olacaq və ya “Qarabağ” qalib gələcək. Ola bilər ki, bu, həyata keçirilməsi çətin plandı. Ancaq niyə də yox? “Qarabağ” sübut etdi ki, evdə istənilən rəqiblə çox yaxşı oynaya bilər. Üstəlik,”Atletiko”yla uğurlu oyunlardan sonra stadionu azarkeşlər dolduracaq. Onlar hiss etdilər ki, “Qarabağ”, ümumiyyətlə, Azərbaycan futbolu yeni mərhələyə qədəm qoyur”.
Xatırladaq ki, Borets Qurbanovun rəhbərliyi altında “Neftçi”də oynayıb.
futbol11.az
