“Qarabağ” – “Şamaxı” matçının biletləri satışa çıxarılır
16.01.2025 , 10:30

Misli Premyer Liqasının XIX turu çərçivəsində keçiriləcək “Qarabağ” – “Şamaxı” oyunun biletləri bu gün saat 12:00-dan etibarən satışdadır.
Korner.az xəbər verir ki, biletlərin qiyməti sektorlara uyğun olaraq dəyişir.
Qiymətlər 3, 7 və 15 manat aralığında dəyişir. Biletlər oyun günü həm iTicket.az-da onlayn, həm də Tofiq Bəhramov adına Respublika stadionunun kassalarında da satışda olacaq. Qeyd edək ki, qapılar azarkeşlər üçün matçın start fitindən 120 dəqiqə əvvəl açılacaq.
