Bu gün Avropa Liqasının qrup mərhələsində VI turun oyunları keçiriləcək.
Korner.az-ın məlumatına görə, sonuncu turun oyunlarından sonra 1/16 final mərhələsinin iştirakçıları müəyyənləşəcək.
Liqadakı təmsilçimiz “Qarabağ” öz meydanında İtaliyanın “İnter” klubunu qəbul edəcək. “İnter” qrup lideri kimi “pley-off”a vəsiqəni təmin edib. “Qarabağ” isə sərfəli nəticə ilə Azərbaycan futbolu tarixində daha bir ilk yazmaq şansına sahibdir.
Komandamız qələbə qazanarsa, ikinci pillənin sahibi kimi “pley-off”a yüksələcək. Heç-heçə də “Qarabağ” üçün uğurlu nəticə ola bilər. Bunun üçün qrupun digər oyunu – “Dnepr” – “Sent Etyen” qarşılaşması da eyni nəticə ilə bitməlidir.
11 dekabr
Avropa Liqası, qrup mərhələsi, VI tur
21:00.“Qarabağ” (Azərbaycan) – “İnter” (İtaliya) 0:0
Hakimlər: Mioslav Zelinka, Andjey Pelikan, İrji Molaçek ( Çexiya)
