Bu gün Azərbaycan Premyer Liqası X tur çərçivəsində "Qarabağ"-Səbail" görüşü baş tutub
Oyunun 20-ci dəqiqəsində "Qarabağ"ın oyunçusu Pedro Enrike zədələnərək meydanı tərk etməli olub.Onu 99 nömrəli formayla çıxış edən Dani Kintana əvəzləyib. Həmçinin qarşılaşma ilk hissədən mübahisəli hakim qərarları ilə diqqət çəkib. Belə ki, görüşün ilk hissəsində bir neçə dəfə meydan sahiblərinin etirazına səbəb olan qərarlar verən görüşün baş hakimi Rəvan Həmzəzadə 43-cü dəqiqədə “Qarabağ”ın müdafiəçisi Ansi Aqollini meydan qovdu.
İkinci hissədə isə 80-ci dəqiqədə cərimə meydançasında Murad Qurbanovun Dani Kintanaya qarşı müdaxiləsi ikincinin yıxılması ilə nəticələndi. Stadiondakı azarkeşlər, meydan sahiblərinin oyunçuları penalti gözləsə də, hakim qayda pozuntusu qeydə almayıb.
Bununla belə "Qarabağ" 90-cı dəqiqədər Əfran İsmayılovun atdığı qol ilə 1-0 qalib gəldi.
Oyundan sonra Qurban Qurabanov CBC sporta verdiyi açqlamalarında zədələnmə və qırmızı vərəqə ilə bağlı fikirlərini bölüşüb. O bildirib ki, itkilər ciddi olsa da "Atletiko Madrid" ilə oyuna ciddi hazırlıqlar gedir və hədəf qələbə və azərkeşləri yenidən sevindirməkdir.
Qeyd edək ki, turnir cədvəlində "Qarabağ" 22 xalla liderdir.
