“Qarabağ” oyunla bağlı açıqlama yaydı
28.11.2024 , 17:43
UEFA Avropa Liqasının Liqa mərhələsi çərçivəsində keçiriləcək “Qarabağ” – “Lion” (Fransa) oyununa bilet satışı davam edir.
Korner.az xəbər verir ki, bu barədə klubun yaydığı açıqlamada bildirilib.
Məlumata görə, bu saata qədər matça 22 min bilet satılıb. Klub azarkeşlərini bilet alaraq komandaya dəstək olmağa çağırıb.
Qeyd edək ki, oyun günü qapılar azarkeşlər üçün matçın start fitindən 2 saat əvvəl açılacaq.
Bu gün Tofiq Bəhramov adına Respublika stadionunda keçiriləcək matç saat 21:45-də başlanacaq.
