"Anar Salmanov oyunun nəticəsinə təsir edəcək qərarlar qəbul etdi. Oyunboyu bizim əlayhimizə qərarlar verdi və bunu hər kəs gördü. Biz "Neftçi"nin qələbəsinə "kölgə" salmaq istəmirik və bu qələbə münasibəti ilə onları təbrik də, etmişik".
Bu sözləri Korner.az-a açıqlamasında "Qarabağ"ın mətbuat xidmətinin rəhbəri Nurlan İbrahimov deyib.
Ağdam klubunun rəsmisi dünənki oyundakı idarəçiliklə bağlı PFL-ə şikayət edəcəklərini bildirib:
"Maraqlı məqamdır ki, biz bu mövsüm Anar Salmanovun idarə etdiyi oyunlarda qələbə qazana bilməmişik. Klubun rəsmi saytında Anar Salmanov 2 – 1 "Qarabağ" yazmağımıza gəlincə isə düşünürəm ki, biz tolerant, ən mədəni şəkildə öz etirazımızı bildirdik. Anar Salmanovun qərəzli olmasının ən böyük göstəricisi penalti epizodunun düz onun qarşısında olmasıdı. Bununla bağlı biz PFL-ə şikayət edəcəyik".
