“Qarabağ” – “Lion”: Mətbuat konfranslarının vaxtı məlum oldu
25.11.2024 , 13:30
“Lion”un Bakıda “Qarabağ”a qarşı keçirəcəyi UEFA Avropa Liqası matçından əvvəl mətbuat konfransının və açıq məşqinin vaxtı açıqlanıb.
Korner.az xəbər verir ki, Fransa klubunun baş məşqçisi Pyer Sajın mətbuat konfransı noyabrın 27-də, saat 17:45-də başlayacaq.
Onların açıq məşqinə isə saat 18:30-da start veriləcək.
“Qarabağ”ın baş məşqçisi Qurban Qurbanovun mətbuat konfransı saat 13:00-a təyin edilib. Hər iki konfrans Tofiq Bəhramov adına Respublika stadionunda baş tutacaq.
Saat 16:45-də isə Ağdam klubu “Azərsun Arena”da məşqə çıxacaq.
Avropa Liqasının Liqa mərhələsinin 5-ci turunun noyabrın 28-də Tofiq Bəhramov adına Respublika stadionunda təşkil ediləcək matç saat 21:45-ə təyin olunub.
