Ölkəmizi Avropa Liqasında təmsil edən “Qarabağ” daha bir futbolçunun keçidini rəsmiləşdirib.
Korner.az-ın məılumatına görə, Ağdam təmsilçisi bir müddətdir ki, baxışda olan Ulriç Kapolonqonu heyətinə qatıb. Onunla 2 illik müqavilə imzalanıb.
23 yaşlı Ulriç Kapolonqonun son iş yeri İordaniyanın “Şabab Al Ordon” klubu olub. O, Konqo yığmasının heyətində 2007-ci ildə U-20 yığmaları arasında Dünya çempionatında çıxış edib.
Qeyd edək ki, “Qarabağ” bu transferdən öncə Almaniyanın “Bohum” klubundan Nikoloz Gelaşvili və Hollandiya NEK-indən Leroy Corcu rənglərinə bağlayıb.