UEFA klubların növbəti reytinq siyahısını açıqlayıb.
Korner.az-ın məlumatına görə, 454 komandanın yer aldığı siyahıda Azərbaycan 7 klubla təmsil olunub.
Avropa Liqasının qrup mərhələsində mübarizəni dayandıran “Qarabağ” reytinqdəki mövqeyini qoruyub. Ağdam təmsilçisi son 5 mövsümün nəticələrinə görə 11.500 xalla 148-ci pillədə qərarlaşıb.
Son Azərbaycan kubokunun qalibi “Neftçi” klubunun mövqeyində dəyişiklik olmayıb. “Ağ qaralar” 9.000 xalla 179-cu pillədə qərarlaşıb.
Ümumilikdə avrokuboklarda son beş mövsümün (2010/11, 2011/12, 2012/13, 2013/14 və 2014/15) nəticələrinə əsasən hazırlanan siyahıda klublarımızın mövqeyi aşağıdakı kimidir:
148. “Qarabağ” (0)
181. “Neftçi” (-2)
269. “İnter” (0)
296. “Xəzər Lənkəran” (0)
331. “Bakı” (0)
358. “Qəbələ” (0)
359. AZAL (0)
Cari mövsümün (2014/2015) nəticələrinə görə “Qarabağ” 66-cı, “Neftçi” 102-ci (-2), “İnter” 161-ci (-1), “Qəbələ” (-1) isə 179-cu pillədə qərarlaşıb.
Son beş mövsümün nəticələrinə əsasən reytinq cədvəlinə yenə də Çempionlar Liqasının son qalibi “Real” (Madrid) klubu başçılıq edir. “Barselona” ikinci, “Bavariya” isə üçüncü yerdədir.
Qeyd edək ki, ölkələrin reytinqində isə Azərbaycanın mövqeyində dəyişiklik baş verməyib. Aktivində 12.500 xal olan ölkəmiz reytinqdə 29-cudur.
