“Qarabağ” – “Kəpəz” oyununun biletləri satışda
26.08.2023 , 12:00
Azərbaycan Premyer Liqasının IV turunda keçiriləcək “Qarabağ” – “Kəpəz” qarşılaşmasının biletləri “iticket.az”da satışa çıxarılıb.
Korner.az xəbər verir ki, biletlərin qiyməti sektorlara uyğun olaraq dəyişir. Qapıarxası və künclərdə yerləşən sektorlar 3 manat, mərkəzi sektorlar 7 manat, VIP biletlər isə 15 manat təşkil edir.
Biletlər bu gün və sabah “iticket.az”da onlayn, həmçinin oyun günü “Azersun Arena”nın kassasında da satışda olacaq.
Sabah keçiriləcək “Qarabağ” – “Kəpəz” oyunu saat 20:45-də başlayacaq.
