"Qarabağ" klubu 2011-2012 mövsümünü bitirər-bitirməz heyətlə bağlı dəyişikliklərə başlayıb.
Korner.az-ın klubun rəsmi saytına istinadən verdiyi məlumata görə, artıq Rəşad Sadiqov, Georgi Adamiya, Nderim Nedzipi ilə yollar ayrılıb.
Ağdam təmsilçisi eyni zamanda komandada yeni mövsüm görmək istədikləri futbolçularla müqavilə yeniləyib. "Qarabağ"ın müdafiəsinin parlaq simaları olan Albaniya millisinin üzvləri Admir Teli və Ansi Aqolliylə yeni müqavilə imzalanıb.
Xatırladaq ki, Admir 2009-cu ilin yanvarından, Ansi isə 2011-ci ilin yayından "Qarabağ"ın şərəfini qoruyur. Hər iki futbolçu ilə 1 illik müqavilə bağlanıb.
