Qış təlim-məşq toplanışını Türkiyənin Antalya şəhərində keçirən “Qarabağ” bu gün Bakıya qayıdacaq.
Korner.az-ın məlumatına görə, qış fasiləsinə lider yollanan Ağdam təmsilçisi 19 gün ərzində qardaş ölkədə hazırlıq keçdi.
Bu müddət ərzində Qurban Qurbanovun komandası Rumıniyanın “Dinamo” (1:0), Albaniyanın “Flamurtari” (1:2) və Almaniyanın “Vuppentaler” (2:2) komandaları ilə yoxlama oyununda qüvvəsini sınadı.
Qeyd edək ki, “Qarabağ” 3-cü dövrənin ilk oyununu fevralın 1-də “Xəzər Lənkəran”a qarşı keçirəcək.
