“Qarabağ” da birinci və ikinci heyət anlayışı yoxdu” – Məmmədov
24.09.2018 , 10:06
“Çətin qarşılaşma oldu, asan qalib gəldiyimizi deməzdim. Baş məşqçinin tapşırıqlarını yerinə yetirdik, əlimizə düşən imkanlardan yararlandıq”. Bu sözləri “Qaarabağ”ın futbolçusu Rahil Məmmədov Topaz Premyer Liqasının V turunda “Qəbələ”yə qalib gəldikləri oyundan sonra deyib.
23 yaşlı mərkəz müdafiəçisi bildirib ki, “Qarabağ”da birinci və ikinci heyət anlayışı yoxdu: “Qarabağ”ın rahat çempion olacağını deməzdim. Hələ çempionat yeni başlayıb. Bizdə birinci və ikinci heyət anlayışı yoxdur. Avropa Liqasında bu, çempionatda digər heyətin oynayacağı bilinmir. Hər kəs hazır olur. Komandada kimdəsə birinci və ikinci heyət oyunçusu sayılması hissinin olduğuna inanmıram. Avropada da belədir ki, komandalarda hər mövqedə 2-3 futbolçu var. Rəqabət olan klubdan irəlləyiş də olur. Kluba xeyirli olmaq üçün əlimdən gələnin ən yaxşısını etməyə çalışıram”.
Qeyd edək ki, Rahil Məmmədov mövsümün əvvəlində “Səbail”dən “Qarabağ”a transfer olunub.
