“Qarabağ” “Çelsi” ilə heç-heçə etdi
05.11.2025 , 23:47
UEFA Çempionlar Liqasının Liqa mərhələsində 4-cü tura start verilib.
Korner.az xəbər verir ki, bu gün Azərbaycan azarkeşlərinin böyük maraqla gözlədiyi qarşılaşmalardan biri baş tutub.
“Qarabağ” öz meydanında İngiltərənin “Çelsi” klubunu sınağa çəkib.
Qurban Qurbanovun rəhbərlik etdiyi komanda “Tofiq Bəhramov adına Respublika Stadionu”nda London təmsilçisini qəbul edib. Görüş 2:2 hesablı heç-heçə ilə bitib.
Qeyd edək ki, tərəflər daha əvvəl 2017/18 mövsümündə Çempionlar Liqasının qrup mərhələsində qarşılaşıblar. Həmin mövsümdə Londonda keçirilən oyun 0:6, Bakıda isə 0:4 hesabı ilə “Çelsi”nin xeyrinə başa çatmışdı.
5 noyabr
UEFA Çempionlar Liqası
Liqa mərhələsi, 4-cü tur
21:45. “Qarabağ” (Azərbaycan) – “Çelsi” (İngiltərə) – 2:2
Qol: Estevao, 17 (0:1), Leandro Andrade, 29 (1:1), Marko Yankoviç, 38 pen. (2:1), Alexandro Qarnaç, 53 (2:2)
Baş hakim: Sebastian Qishamer (Avstriya)
Tofiq Bəhramov adına Respublika Stadionu
