"Qarabağ" klubu "Bakı" ilə oyunun hazırlıqlarına start verib.
Korner.az-ın klubun rəsmi saytına istinadən verdiyi məlumata görə, dünən ölkə kubokunun yarımfinal mərhələsinin ilk oyununda paytaxtın eyniadlı təmsilçisinin qonağı olan "Qarabağ" bazar günü Unibank Premyer Liqa çərçivəsində qarşılaşacağı eyni rəqibiylə matçın hazırlıqlarına başlayıb.
Bu gün baş tutan çalışmada dünən qələbə qazanan heyətdə 90 dəqiqə oynayanlar yüngül çalışma ilə kifayətlənib. "Qarabağ" artıq sabah Quzanlıya yollanacaq.
Aprelin 22-də baş tutacaq XXIX turdan sonra Ağdam təmsilçisi geri qayıtmayacaq. Belə ki, ayın 25-i eyni meydanda eyni rəqiblə ölkə kubokunun yarımfinal mərhələsinin cavab görüşü baş tutacaq.
