“Qarabağ” azarkeşlərə müraciət etdi
01.11.2024 , 12:40
UEFA Avropa Liqasının Liqa mərhələsinin 4-cü turunda keçiriləcək “Bodo Qlimt” (Norveç) – “Qarabağ” matçında Azərbaycan təmsilçisini dəstəkləmək istəyən azarkeşlər üçün biletlər satışa çıxarılıb.
Korner.az xəbər verir ki, bu barədə “Qarabağ”ın azarkeşlərə etdiyi müraciətdə bildirilib.
Biletlər bu gün saat 14:00-dan etibarən iTicket.az-da onlayn şəkildə satışa çıxarılacaq. Azarkeşlər əldə etdikləri vauçerləri oyun günü saat 14:00-dan 16:00-a kimi “Scandic Havet” (Address: Tollbugata 5, 8006 Bode, Norge) otelinin məlumat şöbəsinə yaxınlaşaraq biletə dəyişməlidir. Biletlərin qiyməti 55 AZN-dir.
Vauçerləri əldə edən şəxslər vauçerləri biletə dəyişərkən şəxsiyyətini təsdiq edən sənəd üzərində olmalıdır.
Qeyd edək ki, “Bodø/Glimt” – “Qarabağ” oyunu noyabrın 7-i saat 21:45-də (Bakı vaxtı ilə) start götürəcək.
