"Qarabağ" bugündən etibarən 2016-17-ci il mövsümün hazırlıqlarına start verir.
Korner.az-ın məlumatına görə, bu barədə klubun rəsmi saytı məlumat verib.
Komanda heyəti günorta saatlarında Bakı-İstanbul- Münhen reysi ilə Avstriyaya yola düşüb. Axşam saatlarında futbolçular qalacağı otelə çatacağı gözlənilir. Komanda son iki ildə olduğu kimi Almaniya – Avstriya sərhədində yerləşən Tirol şəhərinə yaxın Kössen qəsəbəsində məskunlaşacaq.
"Qarabağ" Avstriyada təlim-məşq toplanışı müddətində dörd yoxlama oyunu keçirəcək. Yoxlama oyunlarından ikisinin keçirilmə tarixi məlumdur. Komanda iyunun 25-də yerli "Vakker" klubu və iyunun 28-də dördqat Rusiya çempionu "Zenit"lə qarşılaşacaq.
