Avroliqaya hazırlaşmaq üçün Türkiyəyə yollanacaq “Qarabağ” klubu hazırlıqlarının Bakı mərhələsini başa çatdırıb.
Korner.az-ın klubun saytına istinadən yaydığı xəbərə görə, sabah səhər Bakı – Ankara reysiylə yola düşəcək komanda axşam Qızılcahamamda məşqə çıxacaq.
Ağdam təmsilçisi Avroliqanın püşkünə qədər Türkiyədə məskunlaşacaq. Püşkə əsasən “Qarabağ” ilk oyunu evdə keçirməli olsa, komanda iyunun 28-i Bakıya qayıtmağı planlaşdırır. Əks halda, Türkiyədən səfər oyununa yollanılacaq.
Qeyd edək ki, Avroliqanın ilk turunun oyunları iyulun 4-ü və 11-i keçiriləcək
